Toshkent viloyatida ikki kishi 2 kg gashish bilan qo‘lga olindi

2019-yil 31-mart kuni Toshkent viloyatining Ohangaron shahrida huquqni muhofaza qiluvchi idoralar xodimlari tomonidan o‘tkazilgan tezkor tadbir natijasida Farg‘ona viloyati Marg‘ilon shahar B.Marg‘iloniy ko‘chasida yashovchi 31 yoshli A.A. va Hoji Qozi Rojiy ko‘chasida yashovchi 28 yoshli R.G‘.lar Ohangaron shahar “Navbahor”mahallasi hududida joylashgan “Majnuntol” oshxonasi oldida o‘zi bilan 2 kg. 8,73 g. gashish giyohvandlik vositasini olib ketayotganida qo‘lga olingan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar berdi.

Holat yuzasidan jinoyat ishi qo‘zg‘atilib, tergov harakatlari olib borilmoqda.