London yaqinida Garri Potterning “sehrli” banki ochildi (video)

London yaqinidagi Garri Potter muzeyida Gringotts “sehrli” banki yangi ko‘rgazmasi ochildi, deya xabar beradi “LigaNovosti”.

Gringottsning yaratilishiga taxminan 18 oy ketgan.

1500 kvadrat metr maydon keladigan “sehrli” bank muzeyning doimiy ko‘rgazmasining bir qismi bo‘ladi. Unda mehmonlar Lestrenj oilasining seyfini ko‘rishi mumkin.

“Sehrli” bankni loyihalash va qurishda Garri Potter filmini suratga olishda qatnashganlar ishtirok etgan.

Gringotts xodimi Goblin Kryukoxvatni o‘ynagan britaniyalik aktyor Uorik Devis ekspozitsiya suratga olish maydonchasida xotirasida qolgan narsalardan ko‘ra ta’sirchanliroq ekanligini ta’kidladi.