BMT Bosh kotibi Liviyadagi harbiy amaliyotlarni darhol to‘xtatishga chaqirdi

BMT Bosh kotibi Antonio Guterresh Liviyaning Tripolisidagi urushni qoraladi va tomonlarni qon to‘kishni to‘xtatishga chaqirdi, deya xabar beradi “Gazeta.ru”.

Bosh kotibning bayonoti BMT vakilining Twitter’dagi sahifasida e’lon qilindi. Unda tashkilot Tripoli hududidagi harbiy eskalatsiyani qat’iy qoralashi aytilgan.

“U Guterresh keng ko‘lamli mojaroni oldini olish uchun harbiy operatsiyalarni darhol to‘xtatishni talab qilgan”, — deyiladi bayonotda.

Avvalroq, Tripolida harbiy harakatlar oqibatida kamida 51 kishi nobud bo‘lganligi ma’lum bo‘lgan.