Yevroittifoq bugun Britaniyaning Brexit’ni kechiktirish haqidagi so‘rovini ko‘rib chiqadi

Buyuk Britaniya parlamenti bosh vazir Tereza Meyning Yevroittifoqdan Brexit’ni 30-iyungacha kechiktirishni so‘rash haqidagi taklifini qo‘llab-quvvatladi. Bu haqda Meduza xabar bermoqda.

Buni yoqlab 420 nafar deputat ovoz berdi, 110 kishi qarshi chiqdi.

Yevroittifoq yetakchilari Brexit’ni kechiktirish haqidagi masalani bugun, 10-aprelga belgilangan sammitda ko‘rib chiqadi. Agar bu borada yakdil qarorga kelinmasa, Buyuk Britaniya 12-aprelda o‘z-o‘zidan Yevroittifoqdan chiqib ketadi.