Misrda xudkush terrorchi portlashi oqibatida yetti kishi halok bo‘ldi

9-aprel kuni Misrning Shimoliy Sinay muhofazasida xudkush terrorchi o‘zini portlatgani oqibatida 26 nafardan ortiq kishi jabrlandi, deb xabar berdi “Korrespondent.net”.

Xabarda aytilishicha, terrorchi o‘zini shahar markazidagi bozorda politsiya patrul otryadi tekshiruv ishlarini olib borayotgan paytda portlatgan. Halok bo‘lganlar orasida to‘rt nafar politsiyachi va olti yoshli bola bor.

Yaralanganlar kasalxonaga yotqizilgan. Politsiya va xavfsizlik kuchlari hodisa sodir bo‘lgan joyda tekshiruv ishlarini olib bormoqda.

Ushbu terrorchilik uchun javobgarlikni IShID o‘z bo‘yniga olgan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.