Liviyada Xalifa Xaftar armiyasiga tegishli qiruvchi samolyot urib tushirildi

Feldmarshal Xalifa Xaftar boshqaruvidagi Liviya milliy armiyasi qiruvchi samolyoti poytaxt Tripoli janubida halokatga uchradi. Bu haqda “TASS” xabar bermoqda.

Samolyot Liviya milliy yarashuv hukumatiga bo‘ysinuvchi qurolli kuchlar tomonidan urib tushirilgani, u Vodiy ar-Robiy aholi punktiga hujum qilishni rejalashtirgani bildirilmoqda.

Xaftarning vakillari ham MiG-21 raketa yordamida urib tushirilganini tasdiqladi. Uning uchuvchisi katapultani amalga oshirgani va tirik qolgani aytilmoqda.