O‘zbekistonda “Quvvat” multfilmining 7-qismi taqdim etildi (video)

O‘zbekistonda “Quvvat” animatsion multfilmining 7-qismi ham tomoshabinlar e’tiboriga havola etildi. Bu haqda Energetika vazirligi xabar berdi.

Ularning har birida aks ettirilgan lavhalar gaz, elektr energiyasi, suv kabi tabiiy resurslardan oqilona foydalanish naqadar zarur ekanligi haqida bolalarga muhim ma’lumotlar taqdim etadi.

O‘z hatti-harakati bilan bolajonlar mehrini qozongan opa-uka Tohir va Zuhra, ularning mushugi Karamel hamda robot Quvvat mazkur multfilmning har bir qismida yosh tomoshabinlarga o‘rnak bo‘lmoqda.

Multfilm “O‘zbekneftgaz” aksiyadorlik jamiyati ko‘magida yaratilgan.