IIBB Toshkentning “Moviy gumbazlar” restorani yaqinidagi mushtlashuvga izoh berdi (video)

14-aprel kuni soat 23.00 atrofida Toshkentdagi “Moviy gumbazlar” restorani yaqinidagi skeyt maydonchasida 40 yoshli A. M., 28 yoshli E. T. va 22 yashar P. K., K. K. va R. X. lar o‘rtasida mojaro yuzaga kelgan. Bu haqda IIBB matbuot xizmati ma’lum qildi.

Hodisa joyiga zudlik bilan patrul-post xizmati guruhi yetib keldi va mojaro yanada keskinlashuvining oldini oldi. P. K., K. K. va R. X. tan jarohatlari bilan shifoxonaga yotqizilgan.

“Mazkur holat bo‘yicha to‘plangan ma’lumotlar Yakkasaroy tuman ma’muriy sudiga taqdim etilgan”, deyiladi xabarda.