Liviya poytaxtidagi aholi punktiga raketa zarbalari berildi

Liviya poytaxti Tripoli shahriga bir necha raketa zarbalari berilishi oqibatida to‘rt kishi halok bo‘ldi, 23 kishi jarohatlandi, deb xabar berdi “RIA Novosti”.

Xabarda aytilishicha, otishmaga Liviya milliy armiyasi (LMA) qo‘mondoni marshal Xalifa Xaftar kuchlari javobgar.

O‘z navbatida LMA Tripolining fuqaroviy obyektlari o‘qqa tutilishiga aloqador ekanlinigi rad etgan.

“Bugungi kechada Liviya armiyasi harbiy harakalar davomida og‘ir qurollardan foydalanmadi”, — degan LMA qo‘mondonligi matbuot xizmati Xalifa al-Ubaydiy.

Xalifa al-Ubaydiy Tripolidagi guruhni poytaxtdagi aholi kvartallarini “Grad” uskunasidan qasddan o‘qqa tutishda ayblagan. Uning aytishicha, bu Xaftar rahbarligidagi mamlakat milliy armiyasini ayblash uchun sodir etilgan.