Toshkentda 21:00 dan so‘ng voyaga yetmaganlarni kiritgan internet-kafelar ikki oyda 6,27 mln so‘m jarimaga tortildi

Toshkent IIBB profilaktika bo‘limi katta inspektori, podpolkovnik Azimjon Sultonov kompyuter klublari va internet-kafelarida o‘tkazilgan kunduzgi va kechki reydlar bo‘yicha statistikani keltirib o‘tdi. Bu haqda “Gazeta.uz” xabar bermoqda.

Xabar berishlaricha, ikki oy davomida 12 bor reyd o‘tkazilib, ularda 339 nafar dars qoldirgan o‘quvchi borligi aniqlandi. Aniqlangan o‘quvchilarning 112 nafari maktabda, 227 nafari esa litsey va kollejlarda ta’lim oladi.

Voyaga yetmaganlarni 21:00 dan so‘ng muassasaga kattalar hamrohligisiz kirishiga yo‘l qo‘yib bergan beshta klub rahbarlari 6,27 million so‘mlik jarimaga tortildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!