Pokistonda avtobusga uyushitirilgan hujumda 14 kishi halok bo‘ldi

Pokistonda noma’lum shaxslar Balujiston viloyatidagi avtobusga hujum qilib kamida 14 kishini otib ketdi, deb xabar berdi “Korrespondent.net”.

Qayd etilishicha, qurollangan shaxslar 30 ga yaqin yo‘lovchilar bo‘lgan Makrana shossesida avtobusni to‘xtatib, ayrim yo‘lovchilardan hujjat talab qilgan. Shundan so‘ng ularga qarata o‘t uzgan.

Halok bo‘lganlarning jasadlari Ormara shahridagi kasalxonaga yetkazilgan bo‘lib, hodisa yuzasidan tekshiruv ishlari boshlangan.

Avvalroq Pokistonning Kvetta shahridagi bozorda portlash sodir bo‘lgani, kamida 16 kishi halok bo‘lgani haqida xabar bergan edik.