O‘zbekiston xotin-qizlar qo‘mitasi 980 nafar nogiron ayolga amaliy yordam berdi (foto)

O‘zbekistonda nogironligi bo‘lgan xotin-qizlarning ijtimoiy moslashuvini ta’minlash, pirovardida ularning hayot kechirish sifatini yaxshilash maqsadida 2019-yil 1-choragida 980 nafar muhtoj xotin-qizlarga nogironlik aravachalari, tibbiy protez-ortopedik va eshitish moslamalari, qo‘ltiq tayoq, xassalar, xodunok moslamalari hamda dori-darmon vositalari bilan ta’minlanishda bepul ravishda amaliy yordam ko‘rsatildi. Bu haqda Xotin-qizlar qo‘mitasi matbuot xizmati xabar berdi.

Shuningdek, og‘ir turmush sharoitida yashayotgan xotin-qizlarning salomatlik holatlarini yaxshilash maqsadida statsionarlarda davolanishga, sihatgohlarga va shahar hududidagi klinikalarda bepul davolanish kurslarini olish uchun orderlar topshirilmoqda. Ushbu tadbirlar uchun Xotin-qizlarni va oilani qo‘llab-quvvatlash jamoat fondi tomonidan 1 milliarddan ziyod mablag‘ yo‘naltirildi.