Shri-Lankadagi cherkov va mehmonxonalarning portlashdan so‘nggi holati (foto)

Shri-Lankada 21-aprel, yakshanba kuni Pasxa bayrami davomida katolik cherkovida bir qator portlashlar yuz berdi, deb yozadi “Liga Novosti”.

Qayd etilishicha, 22-aprelning ertalabki holatiga ko‘ra, 292 nafar odam halok bo‘lgan, 500 ga yaqin odam yaralangan.

Mahalliy politsiya portlashlardan keyin 24 kishini hibsga olgan, biroq hujum ortida IShID terrorchilari turibdimi, Tamil separatislarimi yoki boshqa odam — hozircha noma’lum.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.