Qozog‘istondagi YTHda halok bo‘lgan o‘zbekistonliklar dafn qilindi

Bugun, 22-aprel kuni ertalab Qozog‘istonning Jambul viloyatidagi YTHda halok bo‘lganlar dafn etildi. Bu haqda Vazirlar Mahkamasi xabar berdi.

Marhuma Dilorom Yermekbayeva Quyichirchiq tumani “Qo‘shiq” mahallasidagi qabristonga, marhumlar O‘rinboy Abduxalikov va Alisher Kalmuradov peshinda Ohangaron tumani “Yangi hayot” mahallasi qabristoniga dafn etildi.

2019-yil 20-aprel kuni Qozog‘istonning Jambul viloyati Korday tumani “Olmaota–Toshkent” avtomobil yo‘lining 181-kilomatrida yo‘nalishdagi avtobus harakatlanib kelayotganda boshqaruvini yo‘qotgani natijasida yo‘l-transport hodisasi sodir etilgani hamda oqibatda O‘zbekiston fuqarolaridan 3 nafari vafot etgani haqida avval xabar bergan edik.