Ukraina prezidentidan ham yoshroq bo‘lgan boshqa mamlakat rahbarlari

Vladimir Zelenskiyning inauguratsiyasi joriy yilning 3-iyun kunigacha bo‘lib o‘tadi. Ungacha yangi saylangan prezident 41 yoshga to‘lishga ulguradi. “Tengrinews” dunyoda Zelenskiydan ham yosh bo‘lgan davlat va hukumat rahbarlarini keltirib o‘tdi.

Dunyo bo‘yicha eng yosh rahbar bu Avtriya federal kansleri Sebastyan Kurs bo‘lib, u 32 yoshda.

San-Marino respublikasida oliy siyosiy lavozimni ikkita kapitan-regentlar egallaydi. Ulardan biri 35 yoshli Mikele Muratori bo‘lib, u joriy yilning aprelida saylandi.

Gruziya Bosh vaziri Mumuka Baxtadze 36 yoshda.

KXDR rahbari Kim Chen In 37 yoshda. U 27 yoshligida Shimoliy Koreya rahbari bo‘lgan.

Qatar amiri Tamim ibn Hamad al-Tani 33 yoshida taxtga o‘tirgan. U mamlakat mustaqilikka erishganidan buyon eng yosh amir bo‘lgan.

Djigme Kxesar Namgyal Vangchuk 2006-yildan buyon Butanning oltinchi qiroli hisoblanadi. U 26 yoshligida taxtga o‘tirgan. Hozirda monarx 39 yoshda.

Kosta Rikani 39 yoshli Karlos Alvarado Kesada boshqarib kelmoqda.

Yemenda mamlakatning asosiy rahbar organi Oliy siyosiy kengash hisoblanadi. O‘tgan yilning aprel oyidan boshlab uni 39 yoshli Maxdi al-Mashad egallab kelmoqda.

Ro‘yxatning so‘nggi pog‘onasida 40 yoshli Leo Varadkar bo‘lib, u Irlandiya hukumati rahbari hisoblanadi.