TIV: Shri-Lankadagi portlashlar qurbonlari orasida hozircha o‘zbekistonliklar qayd etilmadi

O‘zbekiston Tashqi ishlar vazirligi Konsullik-huquqiy departamenti Shri-Lankadagi portlashlar qurbonlari orasida hozircha o‘zbekistonliklar qayd etilmagani haqida axborot berdi.

“O‘zbekistonning Hindistondagi Elchixonasi ma’lumotiga ko‘ra 2019-yil 21-aprel kuni Shri-Lankada sodir bo‘lgan qator portlashlar qurbonlari orasida hozirgi vaqtgacha O‘zbekiston fuqarolari qayd etilmagan. Shuningdek, shaxsini aniqlash bo‘yicha tegishli ishlar amalga oshirilayotgan boshqa jasadlar mavjud”, — deyiladi xabarda.

O‘zbekiston Elchixonasi Shri-Lankaning tegishli organlari bilan doimiy aloqada bo‘lib turibdi.