Putin Kim Chen In bilan uchrashish uchun Vladivostokka uchib keldi

Rossiya prezidenti Vladimir Putin Shimoliy Koreya yetakchisi Kim Chen In bilan uchrashish uchun Vladivostokka uchib keldi. Bu haqda “RIA Novosti” xabar bermoqda.

Mazkur muzokaralar ikki davlat rahbarlarining to‘liq formatdagi ilk uchrashuvi bo‘ladi.

Kim Chen In 2011-yilda hokimiyatni egallaganidan beri Rossiyaga birinchi bor kelmoqda. Shuningdek, joriy yil aprel oyida KXDR Davlat kengashi raisi lavozimiga qayta saylanganidan keyingi ilk xorijiy tashrifi hisoblanadi.