» » O‘zbekiston-Belarus hamkorligining yangi yo‘nalishlari ko‘rib chiqildi

O‘zbekiston-Belarus hamkorligining yangi yo‘nalishlari ko‘rib chiqildi


O‘zbekiston Respublikasi Prezidenti Shavkat Mirziyoyev Pekin shahrida o‘zi uchun ajratilgan qarorgohda 25-aprel kuni Belarus Respublikasi Prezidenti Aleksandr Lukashenko bilan uchrashuv o‘tkazdi, deb xabar berdi Prezident matbuot xizmati.

Belarus Prezidentining O‘zbekistonga o‘tgan yilgi rasmiy tashrifi ikki tomonlama munosabatlar tarixida yangi sahifa ochgani, ularni sifat jihatidan yanada yuqori darajaga olib chiqqani va amaliy mazmun bilan boyitgani alohida ta’kidlandi.

Uchrashuvda ilgari erishilgan kelishuvlar ijrosining borishi batafsil ko‘rib chiqildi. Prezidentlar ikki mamlakat o‘rtasida tovar ayirboshlash hajmi jadal ortayotganini mamnuniyat bilan qayd etdi.

Belarusning “Amkodor”, “MAZ”, “MTZ” va boshqa yetakchi kompaniyalari bilan birgalikda sanoatning turli tarmoqlarida kooperatsiya loyihalari muvaffaqiyatli amalga oshirilmoqda.

Ikki mamlakat hududlari o‘rtasidagi almashinuvlar ancha faollashdi. Fan, texnologiyalar va ta’lim sohasida samarali hamkorlik amalga oshirilmoqda.

Davlatlar o‘rtasidagi mustahkam ishonch va hamkorlikning amaliy natijalariga erishishga qat’iy o‘zaro intilish uni yanada rivojlantirish uchun keng imkoniyatlar ochmoqda. Bugun ikki mamlakat buning uchun zarur salohiyatga ega ekani qayd etildi.

Uchrashuvda o‘zaro savdoni kengaytirish, mashinasozlik, qishloq xo‘jaligi, oziq-ovqat sanoati, axborot texnologiyalari, tibbiyot, farmatsevtika, turizm sohalarida qo‘shma dastur va loyihalarni amalga oshirish, ta’lim, madaniyat va boshqa yo‘nalishlarda hamkorlikni rivojlantirish masalalari muhokama qilindi.

Xalqaro va mintaqaviy ahamiyatga molik masalalar bo‘yicha ham fikr almashildi.

Davlat rahbarlari sheriklikning yangi yo‘nalishlarini samarali rivojlantirish maqsadida turli darajadagi muloqotni faol davom ettirishga tayyor ekanini ta’kidladi.



Manba: Daryo.uz
Опубликовано: admin (25-04-2019, 15:28)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 38) ( 0) ( 36) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют