AQShning ittifoqdoshi 3 mln dollarlik raketa bilan 200 dollarlik kvadrokopterni urib tushirdi

AQSh armiyasi generali Devid Perkins harbiy simpoziumdagi chiqishida mamlakatning ittifoqdoshlaridan biri arzon uchuvchisiz uchar qurilma – kvadrokopterni 3 million dollarlik raketa bilan urib tushirganini ma’lum qildi. Bu haqda “RIA Novosti” xabar bermoqda.

Perkinsning aytishicha, AQShning “juda yaqin ittifoqdoshi” uchuvchisiz uchar qurilmani urib tushirish uchun Patriot zenit-raketa majmuasidan foydalangan. Bunday majmuaning bitta raketasi 3 million dollarga teng ekani ta’kidlanmoqda.

Bu ish berdi. “Amazon.com”dan 200 dollarga xarid qilingan kvadrokopterning Patriot’ga qarshi imkoniyati yo‘q edi.

Devid Perkins, AQSh armiyasi generali

General AQShning qaysi ittifoqdoshi haqida so‘z borgani va hodisa qachon ro‘y berganiga aniqlik kiritmagan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!