Malayziyada keksa kishi timsoh hujumi oqibatida halok bo‘ldi

Malayziyada timsoh hujumi oqibatida halok bo‘lgan keksa odamning jasadi topildi, deb xabar berdi New Straits Times.

Timsoh 23-aprel kuni soat taxminan 9:00 da 61 yoshli Zaynuddin Beddani sudrab ketgan. Qariyani qidirish uchun o‘t o‘chirish mashinasida besh qutqaruvchi yuborilgan. Ikki soat o‘tgach ular Beddaning jasadini palma plantatsiyasi yaqinidagi daryo bo‘yidan topgan.

Rasmiy ma’lumotlarga ko‘ra, 2010-yildan 2016-yilga qadar 27 nafar malayziyalik timsohlar hujumi oqibatida halok bo‘lgan.