Rossiyalik aktrisa Elina Bistriskaya vafot etdi

Rossiyalik aktrisa Elina Bistriskaya 91 yoshida vafot etdi, deb xabar berdi “TASS”.

Qayd etilishicha, so‘nggi vaqtlarda u og‘ir betob bo‘lgan. Aktrisa bilan vidolashuv 29-aprel kuni Maliy teatrida bo‘lib o‘tishi kutilmoqda.

Elina Bistriskaya kinodagi ilk rolini 1950-yilda “Tinch kunlarda” (“V mirniye dni”) filmida ijro etgan. Aktrisa 1950-yillarning ikkinchi yarmida Gerasimovning “Tinch Don” (“Tixiy Don”) va Yuriy Yegorovning “Ko‘ngillilar” (“Dobrovolsi”) filmlaridagi rollaridan so‘ng mashhurilikka erishgan.

Bistriskaya 1958-yildan buyon Maliy teatrida ishlab kelgan.