To‘rtinchi oltin! Bahodir Jalolov qozog‘istonlik raqibini mag‘lub etib, Osiyo chempionligini qo‘lga kiritdi

Tailandning Bangkok shahrida boks bo‘yicha Osiyo chempionatining final janglari doirasida o‘zbekistonlik bokschilarning ishtiroki yakunlandi.

+91 kg vazn toifasida O‘zbekiston sharafini himoya qilgan Bahodir Jalolov qozog‘istonlik Kamshibek Konkabayevga qarshi ringga ko‘tarilib, raqibini ochkolar hisobiga mag‘lub etib, Osiyo chempioniga aylandi. Shu tariqa O‘zbekiston terma jamoasi musobaqani jami 4 ta oltin medal bilan yakunladi.

Avvalroq Nodirjon Mirzaahmedov, Miraziz Mirzahalilov va Bobousmon Boturov Osiyo chempioniga aylangandi. Sanjar Tursunov esa terma jamoa hisobiga yagona kumush medalni yozdirib qo‘ydi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!