Virjil van Deyk — Angliyada mavsumning eng yaxshi o‘yinchisi

Professional futbolchilar assotsiatsiyasi talqiniga ko‘ra, “Liverpul” himoyachisi Virjil van Deyk Angliyada joriy yilning eng yaxshi o‘yinchisi deya e’tirof etildi.

Mazkur nomga niderlandiyalikdan tashqari Rahim Sterling, Serxio Aguero, Bernardu Silva (hammasi — “Manchester Siti”), Sadio Mane (“Liverpul”) va Eden Azar (“Chelsi”) da’vogarlik qilgandi.

O‘tgan mavsum ushbu nomga “Liverpul” hujumchisi Muhammad Saloh sazovor bo‘lgandi.

Eslatib o‘tamiz, mersisaydliklar van Deykni 2018-yilning yanvar oyida “Sauthempton”dan 75 million funt evaziga sotib olgandi. Bu himoyachilar orasida rekord summa hisoblanadi.

Ma’lumot uchun, van Deyk joriy mavsum Premyer ligada 36 ta uchrashuvda maydonga tushib, 3 ta gol urdi va 3 ta golga assistentlik qildi, bundan tashqari, bitta sariq kartochka ishlab oldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!