Norvegiyaliklar Rossiyani josus kitlarni tayyorlashda gumon qilmoqda

Norvegiyada Ingoyya oroli sohillarida mahalliy baliqchilar josus kitni ko‘rib qoldi, deb yozadi “Gazeta.ru”.

Baliqchilarning aytishicha, beluxaning beliga ekshn-kamera o‘rnatilgan bo‘lib, unda “Sankt-Peterburg” uskunasi” degan yozuv bo‘lgan. Ammo ularning so‘zlariga ko‘ra, kit do‘stona kayfiyatda bo‘lib, hatto o‘zini silashlariga ruxsat bergan.

Baliqchilar kitdan kamerani olib qo‘ygan, shundan so‘ng jonivor shoshilib suvga sho‘ng‘ib ketgan.

Norvegiyalik ekspertlar taxmin qilishicha, kamerali kit — Rossiya josuslarining yangi turi, boshqalar esa Rossiya tomoni Sankt-Peterburg haqidagi yozuv bilan o‘zini “sotib qo‘ymagan” bo‘lardi, degan fikrda.