Belarusda prezident Lukashenko qo‘riqchilarining sobiq boshlig‘i qo‘lga olindi

Belarusda mamlakat xavfsizlik kengashi kotibining o‘rinbosari, prezident Aleksandr Lukashenko qo‘riqchilarining sobiq boshlig‘i Andrey Vtyurin qo‘lga olindi. Bu haqda Meduza xabar bermoqda.

“Nasha niva” nashriga qo‘ra, Vtyurin bir hafta avval Davlat xavfsizlik qo‘mitasi xodimlari tomonidan ushlangan. U 150 ming dollar miqdorida pora olishda gumon qilinmoqda.

Vtyurin Lukashenkoning xavfsizlik xizmatida 1995-yildan boshlab ishlagan, 2007—2014-yillarda esa uni boshqargandi. Shunlan so‘ng Xavfsizlik kengashiga ishga o‘tgan. Belarus OAVlari Vyutirinni mamlakatning eng nufuzli kishilaridan biri sifatida e’tirof etgandi.