Toshkentda tanishi tomonidan pichoqlangan erkak vafot etdi

Toshkentda yashovchi fuqaro o‘zaro janjal oqibatida tanishining umriga zomin bo‘ldi, deb xabar berdi IIV Jamoatchilik va OAV bilan aloqalar boshqarmasi.

Toshkent shahrining Olmazor tumanida 29-aprel kuni soat 22:00larda Yunusobod tumanida yashovchi Sh.M Qoraqamish 1/4-dahasi oldida o‘zaro janjal oqibatida tanishi S.Nning tanasini turli joylariga pichoq bilan urib jarohat yetkazgan.

Natijada S.N kasalxonaga keltirilganida vafot etgan. Sh.M ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.