AQSh Suriyaning Idlib viloyatida “Al-Qoida” jangarilariga aviazarba berdi

Amerikaliklar 16-mart, payshanba kuni Suriyaning Idlib viloyatida “Al-Qoida” guruhi jangarilariga aviazarba berdi. Bu haqda AQSh Qurolli kuchlari Markaziy qo‘mondonligi bayonotida ma’lum qilindi, deb yozadi “TASS”.

“AQSh Qurolli kuchlari 16-mart kuni Suriyaning Idlib viloyatida ‘Al-Qoida’ jangarilarining uchrashuv joyiga aviazarba berib, bir nechta terrorchini yo‘q qildi. Idlib so‘nggi bir necha yildan buyon ‘Al-Qoida’ning eng yirik boshpanalaridan biri bo‘lib kelmoqda”, — deyiladi bayonotda.

Markaziy qo‘mondonlik vakillari, shuningdek, joriy yilning yanvarida boshqa hujum davomida yuzdan ortiq jangari tayyorlanayotgan ekstremistlar tayyorlash lageri yo‘q qilinganligini eslatib o‘tdi.

Hodisaning boshqa tafsilotlari ma’lum qilinmadi.