Samarqandda fuqaro akasini tesha bilan urib jarohatladi

2019-yil 2-may kuni Samarqand viloyatining Payariq tumanida yashovchi S.S. IIBga murojaat qilib, shu yil 23-aprel kuni uning uyi orqa tomonida joylashgan bog‘ida o‘zaro janjal sabab ukasi H.S. uni bosh va tanasining turli joylariga tesha bilan urib, jarohat yetkazganligini ma’lum qilgan, bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qiladi.

Natijada S.S. kasalxonaga yotqizilgan. H.S. ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.