Kanadada 20 kishidan iborat guruh Lotto Max lotereyasida 37 mln dollar yutib oldi

20 kishidan iborat bo‘lgan guruh Kanadaning Lotto Max lotereyasida 50 million Kanada dollari (37,1 million AQSh dollari) miqdorida pul mukofotini yutib oldi. Bu haqda “Vesti.ru” xabar berdi.

Ma’lum bo‘lishicha, omadli chipta Monreal Brossar (Kvebek provinsiyasi) munisipalitetida sotib olingan. Chiptani 20 kishi olgan. Bu degani ularning har biriga 2,5 million Kanada dollaridan (1,86 million AQSh dollari) beriladi.

Lotto Max lotereyasida guruh bo‘lib ham qatnashish mumkin. Bu haqda Ontario Lottery and Gaming Corporation (OLG) kompaniyasi o‘z saytida ma’lum qilgan. Lotereyada qatnashish uchun jamoa kapitanini tanlashi kerak. Kapitan keyin guruhni shakllantirib, ro‘yxatdan o‘tkazadi.