Rossiyada Stand Up loyihasining ikki ishtirokchisi avariyada halok bo‘ldi

Stand Up loyihasining ikki ishtirokchisi Krasnodar o‘lkasidagi YTH oqibatida halok bo‘ldi. Bu haqda “TASS” xabar bermoqda.

Denis Malovichko va Yelena Zuyeva Krasnodardagi tadbirga yo‘l olgan, bir necha chiqishlarda ishtirok etishlari ko‘zda tutilgandi. Ular Maykop stendap-klubi ishtirokchisi bo‘lgan.

Adigey davlat universiteti jamoasi bilan KVN o‘yinlarida qatnashgan 35 yashar Denis Malovichkoning rafiqasi va ikki nafar farzandi qoldi. Yelena Zuyeva turmushidan ajragan, farzandlari yo‘q edi.