Rossiyaning Chelyabinsk traktor zavodi jangovar traktor yig‘ishini ma‘lum qildi

“Rostex” davlat korporatsiyasi tarkibiga kiruvchi Chelyabinsk traktor zavodi joriy yildan boshlab minalarni tozalashga mo‘ljallangan ilk zirhli traktorlarni yig‘ishni rejalashtirmoqda. Bu haqda davlat korportsiyasi o‘zining Instagram’dagi sahifasida ma’lum qildi.

Ta’kidlanishicha, konstruktorlar tomonidan B10M2C hamda M12C zirhli traktorlari uchun yaratilgan qurilma insonlar va tanklarga qarshi ishlatiladigan minalarni zararsizlantirish imkonini beradi. Bundan tashqari mashina konstruksiyasiga portlash sodir bo‘lganda ekipajga zarar yetmaydigan himoya vositalari ham kiritiladi.

“Agarda traktor minadan kuchliroq portlovchi qurilmasini bosib olsa, uning old tarafida joylashgan motori haydovchini himoya qiladi”, — deydi “Rostex” vakillari.

Minali tralga ega traktorlar ko‘plab manyovrlarni bajara olishi bilan tral tanklardan ajralib turadi, shuningdek, ularni yig‘ish ham arzonga tushadi.