Boeing AQSh rasmiylari bilan Apache vertolyotlarini yetkazib berish bo‘yicha 3,4 mlrd dollarlik shartnoma imzoladi

AQSh hukumati Boeing korporatsiyasidan 3,4 milliard dollar evaziga Apache vertolyotlarini sotib oladi. Bu haqda “TASS” xabar bermoqda.

Ikki tomon o‘rtasida tuzilgan shartnomaga ko‘ra, Qo‘shma Shtatlar armiyasi uchun 244 ta Apache AH-64E vertolyoti yetkazib berilishi mo‘ljallangan. 

Yana 24 ta havo kemasi nomi oshkor qilinmagan buyurtmachiga jo‘natiladi. 

Ma’lumot uchun, Apache vertolyotlari oxirgi 30 yil mobaynida AQShdan tashqari yana 15 davlat tomonidan xarid qilingan. “Daryo”ning Telegram’dagi rasmiy kanali — @toshqindaryo’ga a’zo bo‘ling!