Braziliyalik darvozabonlar APLda 10 yil avvalgi natijani takrorladi
“Manchester Siti” darvozaboni Ederson Morayes Angliya chempionatining 37-turida “Lester”ga qarshi o‘yinda o‘z darvozasi daxlsizligini saqlab qoldi (1:0).
Braziliyalik Premyer liganing bitta mavsumida 20 ta quruq o‘yin o‘tkazgan “shaharliklar” tarixidagi birinchi darvozabon bo‘ldi.
Bundan tashqari u 10 yil ichida birinchi marta ikki nafar darvozabon (Ederson Morayes (“Manchester Siti”) hamda Alisson Bekker “Liverpul”) Angliya chempionatining bitta mavsumida 20 ta quruq o‘yin o‘tkazdi.
Ma’lumot uchun, 2008/09-yilgi mavsumda Edvin van der Sar (“Manchester Yunayted” — 21 ta quruq o‘yin) va Xose Reyna (“Liverpul” — 20 ta) shunday natijani qayd etgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz