Pekinda ShHT Milliy koordinatorlar kengashi majlisi bo‘lib o‘tdi

Xitoy poytaxti Pekinda 14—17-mart kunlari Shanxay hamkorlik tashkilotiga a’zo davlatlar Milliy koordinatorlari kengashining navbatdagi majlisi bo‘lib o‘tdi, deya xabar beradi O‘zbekiston tashqi ishlar vazirligi.

Uchrashuvda davlat rahbarlari kengashining bo‘lajak majlisi va ShHT nizomiy organlarining boshqa tadbirlariga tayyorgarlikning borishi muhokama qilindi, kun tartibi va yakuniy hujjatlar loyihalari yuzasidan fikr almashildi.

O‘zbekiston tomoni XII ShHT Forumi yig‘ilishiga tayyorgarlikning borishi to‘g‘risida ma’lumot berdi.

Xabar berishlaricha, tadbirda a’zo davlatlar — Qirg‘iziston, Qozog‘iston, Rossiya, Tojikiston, Xitoy va O‘zbekiston — Milliy koordinatorlari tashkilot faoliyati joriy kun tartibining boshqa masalalarini ham ko‘rib chiqqan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!