Dog‘istonda ketma-ket ikki YTHga duch kelgan teleboshlovchi ayol halok bo‘ldi

Maxachqal’ada “MTV Poytaxt” telekanali muharriri va boshlovchisi Tamilla Abdullayevani avtomobil urib yubordi. Bu haqda “RIA Novosti” xabar bermoqda.

Dog‘iston IIVga ko‘ra, YTH 7-may kuni kechki payt sodir bo‘lgan. 22 yashar haydovchi yo‘lni belgilanmagan qismida kesib o‘tayotgan ayolga to‘qnash kelgan.

Tamilla Abdullayevani kasalxonaga olib ketayotgan tez yordam mashinasiga yana bir yengil avtomobil kelib urildi. Shifokorlar teleboshlovchi bu zarba oqibatida olamdan o‘tmagani, u olgan jarohatlarning o‘zi o‘ta og‘ir bo‘lganini bildirmoqda.