O‘zbekistonlik ayollar Open World dasturi doirasida AQShda bo‘lib qaytadi

O‘zbekiston Xotin-qizlar qo‘mitasi bir guruh faol ayollarni AQSh safariga yubormoqda. Bu haqda “Daryo”ga qo‘mita matbuot xizmati ma’lum qildi.

Saflarida deputat, sportchi, hokim o‘rinbosari va yoshlar bo‘yicha mutaxassis bo‘lgan 5 nafar ayol Open World dasturi doirasida 15—28-may kunlari Rod-Aylend shtatida bo‘ladi. Ular okean ortiga yetakchilik sifatlarini oshirish uchun yuborilayotgani bildirilmoqda.

Bosh vazir o‘rinbosari, Xotin-qizlar qo‘mitasi raisi Tanzila Norboyevaning joriy yil fevral oyida Vashingtonda bo‘lib o‘tgan muzokaralari davomida o‘zbekistonlik xotin-qizlarning AQSHda tajriba almashinuvi bo‘yicha kelishuvga erishilgan.