Polsha yevroga o‘tishdan bosh tortdi

Polshada “Huquq va adolat” hukmron partiyasi rahbari Yaroslav Kachinskiy mamlakat yevroga o‘tmoqchi emasligini ma’lum qildi, deb yozadi “Gazeta.ru”.

Uning so‘zlariga ko‘ra, Varshavaning iqtisodiyoti Germaniya darajasiga yetganidan keyingina u yevroga o‘tishi mumkin bo‘ladi.

Shuningdek, uning qo‘shimcha qilishicha, Polshaning pul birligi — zlotiy mamlakat iqtisodiyotini “himoya qiladi”.

Kachinskiyning ta’kidlashicha, ayni paytda Polsha “zlotiydan voz kecha olmaydi”.