Sergey Dorenko bilan vidolashuv marosimi qoldirildi. Rossiyalik jurnalistning qizlari qayta sud-tibbiy ekspertizasini talab qilmoqda

Rossiyalik jurnalist, “Govorit Moskva” radiostansiyasi bosh muharriri Sergey Dorenko bilan 12-may kuniga belgilangan vidolashuv marosimi qoldirildi. Bu haqda Meduza xabar bermoqda.

Ushbu radioga ko‘ra, politsiya qayta sud-tibbiy ekspertizasi o‘tkazish zarurati tufayli jurnalistning bevasiga jasadni berishdan bosh tortgan.

Bunday qaror Dorenkoning qizlari Kseniya va Yekaterinaning bayonotlari tufayli qabul qilingan. Ular otalari zaharlangan bo‘lishi mumkinligini taxmin qilmoqda.

9-may kuni hayotdan ko‘z yumgan jurnalist qachon ko‘milishi hozircha noma’lum. Qo‘shimcha ekspertiza taxminan bir hafta vaqt olishi mumkinligi bildirilmoqda.