Britaniyada Sherlok Xolms tasviri tushirilgan tanga chiqarildi

Badiiy personaj Sherlok Xolms tasviri yangi 50 penslik ingliz tangasida paydo bo‘ldi. Bu haqda “Gazeta.ru” xabar beradi.

Ta’kidlanishicha, tanga taniqli Sherlok Xolms haqida bir qator badiiy asarlar yozgan yozuvchi Artur Konan Doyl (1859-1930) tavalludining 160 yilligi munosabati bilan Britaniyada chiqarilgan.

Personajlarning rasmiga qo‘shimcha ravishda, tangalarga hikoyalar nomlaridan iborat kichik matn ham qo‘llanilgan. Bu matn shunchalik kichkinaki, uni o‘qish uchun, Xolms hech qachon ajralmagan shisha lupadan foydalanish kerak bo‘ladi.