Gulistonda ikki kunlik chaqaloqni 2 mln so‘mga sotayotganlar ushlandi

Guliston shahri, “Bo‘ston” MFYda istiqomat qiluvchi fuqarolar chaqaloq savdosi bilan qo‘lga olindi. Bu haqda O‘zA xabar berdi.

2019-yilning 15-may kuni Sirdaryo viloyati IIB xodimlari tomonidan Guliston shahri hududida o‘tkazilgan tadbir davomida “Bo‘ston” MFYda istiqomat qiluvchi B.A. va B.L. fuqaro B.A.ning 2019-yilning 13 may kuni tuqqan farzandini D.Z.ga 2 million so‘mga sotgan vaqtida ushlangan.

Mazkur holat yuzasidan JKning 135-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.