O‘zbekistonda hokimliklarning yer berish vakolatini qisqartirish taklif etildi
Xalqaro press-klub sessiyasida Prezident Shavkat Mirziyoyevning joriy yil 14-maydagi “Tadbirkorlik faoliyatini qo‘llab-quvvatlash va himoya qilish tizimini tubdan takomillashtirish chora-tadbirlari to‘g‘risida”gi farmoni mazmun-mohiyati muhokama qilinmoqda.
Unda Savdo-sanoat palatasi raisi Adham Ikromovning ta‘kidlashicha, endilikda tashkil etiladigan Bosh vazirning Tadbirkorlar murojaatlarini ko‘rib chiqish qabulxonalarida Savdo sanoat-palatasidan ham vakil bo‘ladi.
Sessiyada tadbirkorlarga yer ajratish bo‘yicha muammolar ham ko‘tarildi.
— Yer ajratishda byurokratik to‘siqlar bor. Viloyatlarda hokimliklar yerni auksionga chiqarmayapti. Hujjatlar stol ustida qolib ketayapti. Hokimiyatning yer ajratish bo‘yicha vakolatini qisqartirish kerak. Shu sababli Yer kodeksiga o‘zgartirishlar kiritilmoqda, — deydi Аdliya vaziri Ruslanbek Davletov.
Manba: Daryo.uz