Toshkentning Uchtepa tumanidagi ayrim mahallalar yog‘ingarchilikda suv ostida qolmoqda (foto)

Toshkentning Uchtepa tumanidagi “O‘tkir”, “Sharq guli”, “Istrohat”, “Jarbuloq”, “Zulfizar” mahallalarida kollektor- drenaj ishlari sifatli amalga oshirilmagani, ariq va suv yo‘llari ko‘mib yuborilgani tufayli yog‘ingarchilikda ko‘chalar, uylar suv ostida qolmoqda. Bu haqda tuman kengashi deputati Nuriddin Zaynitdinov ma’lum qilgan.

Deputatga ko‘ra, bu muammo barcha darajadagi mutasaddilarga yetkazilgan. Tegishli karorlar va rejalar qabul qilib, dasturlarga kiritilgan. Bu ularning shablon gaplari.

“Kazo-kazolar kelib, botmon-botmon va’dalar berib ketgan. Natija yo‘q. Xalq azobda, har yomg‘ir yog‘sa yuragini hovuchlab o‘tiradi. Uy poydevorini nurab ketmaydimi, yerto‘lani suv bosmaydimi deb. Odamlar yostig‘igacha suvga bo‘kmoqda”, — deya ta’kidlagan Nuriddin Zaynitdinov.