Ukraina bosh vaziri iste’foga chiqishini ma’lum qildi

Ukraina bosh vaziri Vladimir Groysman 22-may kuni, hukumat yig‘ilishidan so‘ng iste’foga chiqishini ma’lum qildi. Bu haqda Meduza xabar bermoqda.

“Prezident Zelenskiy hukumat iste’fosi haqidagi da’vati bilan bo‘lajak barcha tahdidlar uchun javobgarlikni zimmasiga oldi”, — dedi Groysman.

Ukraina prezidenti Vladimir Zelenskiy inauguratsiya marosimida hukumatga iste’fo berishni taklif qilgandi.

Mamlakat qonunlariga ko‘ra, bosh vazir parlament qarori bilan vazifasiga tayinlanadi va ozod qilinadi. Prezident faqat bosh vazirni iste’foga chiqarishni taklif qilishi mumkin.