Xitoyda tom qulashi oqibatida halok bo‘lganlar soni to‘rt kishiga yetdi

Xitoy shimolidagi Bayse shahar okrugida joylashgan bar tomi qulashi oqibatida halok bo‘lganlar soni to‘rt kishiga yetdi. “TASS”ning xabar berishicha, yana 87 kishi jarohatlangan. Ularning ahvoli qoniqarli deb baholanmoqda.

Politsiya hodisa sodir bo‘lishida gumonlanuvchi yetti kishini qo‘lga olgan. Tegrov davomida umumiy hisobda 23 kishi so‘roq qilingan.

Eslatib o‘tamiz, hodisa 700 kvadrat metr maydonga ega binoning uchinchi qavatida joylashgan “0776” nomli barda 20-mayga o‘tar kechasi sodir bo‘lgan. Qutqaruv operatsiyasiga 160 nafar favqulodda vaziyatlar xizmati xodimlari va 22 ta maxsus texnika jalb etilgan.

Hodisa sababi o‘rganilmoqda.