Toyloq tumani davlat soliq inspeksiyasiga yangi rahbar tayinlandi

Shuhrat Sharipov Toyloq tumani davlat soliq inspeksiyasi boshlig‘i etib tayinlandi, deb xabar berdi “Zarnews”.

Shuhrat Sharipov 1988-yilda Samarqand viloyatida tug‘ilgan.

2011-yilda Toshkent moliya institutini tamomlagan. Soliq tizimidagi mehnat faoliyatini Toyloq tumani davlat soliq inspeksiyasi EHM operatorligidan boshlagan. Yangi lavozimga tayinlangunga qadar Samarqand tumani davlat soliq inspeksiyasi boshlig‘ining birinchi o‘rinbosari vazifasida ishlagan.