Eyfel minorasiga tirmashib chiqqan rossiyalik ruhiy kasalliklar shifoxonasiga yotqizildi

Parij politsiyasi 20-may kuni Eyfel minorasiga tirmashib chiqib, olti soat davomida tushmagan rossiyalik fuqaroni ruhiy kasalliklar shifoxonasiga yubordi. Bu haqda Meduza xabar berdi.

Qayd etilishicha, o‘z joniga qasd qilishga moyilligi bor bu erkak Parij politsiya prefekturasidagi kasalxonada yotibdi. Unga qarshi madaniy obyekt hududiga noqonuniy kirish holati yuzasidan tergov boshlangan.

Ma’lumotlarga ko‘ra, avvalroq ushbu fuqaro Fransiyadan boshpana so‘ragan.

Bundan avval Eyfel minorasiga tirmashib chiqqan odam tufayli bino evakuatsiya qilingani haqida xabar berilgan edi.