Ashraf Xo‘jayev TIV Tashqi iqtisodiy hamkorlik bosh boshqarmasi boshlig‘i etib tayinlandi

Ashraf Xo‘jayev O‘zbekiston Tashqi ishlar vazirligi Tashqi iqtisodiy hamkorlik bosh boshqarmasi boshlig‘i etib tayinlandi. Bu haqda TIV matbuot xizmati ma’lum qildi.

U bunga qadar Xorijiy investitsiyalar va moliyaviy-texnik ko‘maklashishga qaratilgan mablag‘larni jalb etish boshqarmasi boshlig‘i bo‘lib ishlagan.

TIHBB Xorijiy investitsiyalar va moliyaviy-texnik ko‘maklashishga qaratilgan mablag‘larni jalb etish boshqarmasi, Eksport va tashqi savdo aloqalarini rivojlantirish boshqarmasi, Hukumatlararo komissiyalar faoliyatini muvofiqlashtirish boshqarmasi va Turizmni rivojlantirish sohasida xalqaro hamkorlik boshqarmasini o‘z ichiga oladi.