Portugaliya terma jamoasining Millatlar Ligasi final bosqichi uchun tarkibi e’lon qilindi

Portugaliya termasi Millatlar Ligasi final bosqichida ishtirok etuvchi futbolchilarni e’lon qildi. Bu haqda jamoaning Twitter’dagi rasmiy sahifasida e’lon qilindi.

Tarkibdan “Yuventus” hujumchisi Krishtianu Ronaldu ham joy oldi. U musobaqaning guruh bosqichida terma jamoasiga yordam bera olmagandi.

Ma’lumot uchun, Portugaliya 5-iyun kuni Milatlar Ligasi yarim finalida Shveysariya bilan o‘ynaydi. Bir kun o‘tib ikkinchi yarim finalda Niderlandiya Angliya bilan o‘ynaydi. Final uchrashuvi hamda 3-o‘rin uchun kurash 9-iyun kuni bo‘lib o‘tadi.

Darvozabonlar: Rui Patrisiu (“Vulverhempton”), Betu (“Geztepe”), Joze Sa (“Olimpiakos”)

Himoyachilar: Rafael Gerreyro (“Borussiya Dortmund”), Mariu Rui (“Napoli”), Nelson Semedu (“Barselona”), Joau Kanselu (“Yuventus”), Ruben Diash (“Benfika”), Pepe (“Portu”), Joze Fonte (“Lill”)

Yarim himoyachilar: Brunu Fernandesh (“Sporting”), Danilu Pereyra (“Portu”), Vilyam Karvalyu (“Betis”), Pitssi (“Benfika”), Ruben Nevesh, Joau Moutinyo (ikkalasi ham — “Vulverhempton”), Bernardu Silva (“Manchester Siti”)

Hujumchilar: Krishtianu Ronaldu (“Yuventus”), Diogu Jota (“Vulverhempton”), Diyegu Souza (“Braga”), Joau Feliks, Rafa Silva (ikkalasi ham — “Benfika”), Gonsalu Gedesh (“Valensiya”).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!