Tailandda bosh vazirga nisbatan suiqasdning oldi olindi
Tailand politsiyasi mamlakat bosh vaziri Prayut Chan-Ochaga nisbatan tashkillashtirilayotgan suiqasdni fosh qildi, deb yozadi “TASS” Reuters’ga tayanib.
Tartib posbonlari 18-mart, shanba kuni “Demokratiya uchun xalq ittifoqi” hukmron partiyasiga qarshi chiquvchi va Tailand sobiq bosh vaziri Taksin Chinavatni qo‘llab-quvvatlovchi “Demokratiya uchun birlashgan front diktaturaga qarshi” so‘l siyosiy harakatining qochqinlikdagi yetakchilaridan birining uyidan qurol-yarog‘ omborini topgan.
“Biz optik nishonga olgichi bo‘lgan vintovkani topdik. Qurol qushlarni otishga emas, balki mamlakat yetakchisiga hujum qilish uchun mo‘ljallanganiga kafilmiz”, — dedi qirollik politsiya boshlig‘i bosh vazirni nazarda tutib. Ish bo‘yicha to‘qqiz nafar gumonlanuvchi qo‘lga olindi.