Isroil bosh vaziri parlamentni tarqatib yuborish bilan tahdid qildi

Isroil hukumati rahbari Binyamin Netanyaxu parlamentni tarqatib yuborish bilan tahdid qildi. “Exo Moskvi”ning xabar berishcha, bosh vazir bu haqda tegishli qaror loyihasini tayyorlashni buyurgan.

Knessetdagi partiyalar hukumatning yangi koalitsiyasini shakllantirish to‘g‘risida 29-maygacha kelishib olishlari kerak. Aprel oyining boshlarida bo‘lib o‘tgan saylov natijalariga ko‘ra, Netanyaxuning “Likud” partiyasi, shuningdek, boshqa bir qator huquqiy va diniy kuchlar parlamentdagi 120 ta o‘rindan 65 tasini nazorat qilmoqda.

Biroq “Rambler”ning yozishicha, bosh vazir pravoslav yahudiylarni Isroil armiyasiga chaqiruvini kechiktirish haqidagi qonun loyihasi bo‘yicha muzokaraning bir necha ishtirokchilari o‘rtasidagi kelishmovchilik sababli turg‘un koalitsiyani shakllantirishga erisha olmaydi.